Visit
San Mames
Museo Athletic Club

2017/09/062017/09/06

Bilbon nahitaez ikusi beharreko 6 museo

Euskadiko eskaintza turistikoa handitzen ari da. Kultura- eta turismo-alorreko eskaintza zabal horretan, baina, Bilbora bisitan zatozenean nahitaez ikusi beharreko sei museo nabarmentzen dira. Zein diren kontatuko dizugu.

Bilbon nahitaez ikusi beharreko museoak

1. Guggenheim Bilbao Museoa.

Guggenheim Bilbao Museoa nazioarteko museorik ospetsuenetako bat eta Bilboko erakargarri turistikoaren funtsezko elementua da.

Bilbo berriaren ikonoa ere bada. Gaur egun museoa dagoen ingurunea pasaia iluna, industriala eta narriatua zen iraganean, portu-instalazio zaharrez beteta zegoen, eta ingurua zatartu baino ez zuten egiten.

Guggenheim museoa paisaia hori goitik behera aldatzeko konponbide politikoa izan zen eta arkitektura-inpaktu itzela izan zuen hirian.

Harrezkero, Guggenheim Bilbao Museoa nazioartean aitortzarik handiena duten arte garaikideko museoen artean kokatu da. Frank O. Gehry ospetsuak egindako eraikina artelana da bere horretan, XX. mendeko arkitekturarik abangoardistenetakoaren adibidea.

2. Athletic Club Museoa.

San Mames futbol-zelai berria berez museotzat jo daiteke; edota, besterik ez bada ere, Bilbora bisitan datorrenak nahitaez ikusi beharreko lekutzat.

2015ean eraikuntza berriko munduko kirol-eraikinik onenaren saria jaso zuen, eta UEFAk 4. mailako eliteko futbol-zelaitzat sailkatu du.

Gainera, partida bat lekurik onenetik eta erosotasun sinestezinekin ikusi nahi izanez gero, San Mames VIP Area da horretarako gunerik aproposena. Besteak beste, gune gastronomikoa du, Michelin izarra jaso duten sukaldarien partaidetza eta guzti.

Halere, Athletic Club Museoa ere badago San Mamesen. Museoa aurrekoaren herentzia da eta inpaktu handiagoa proiektatzen du, hala ikusizkoan nola zerbitzu eta ekipamenduetan.

San Mameseko Athletic Club Museoa hegoaldeko eta ekialdeko tribunak lotzen dituen ertzean dago. Museo historikoa da, garaikurren, jantzien, material grafikoaren, ikus-entzunezkoen eta abarren bidez talde zuri-gorriaren iragana azaltzen duena.

3. Bilboko Arte Ederren Museoa.

Bilboko Arte Ederren Museoa estatuko museo nagusietako bat da. 100 urteko historia du atzean, eta gizarte zibilaren, tokiko artisten eta herri erakundeen lankidetzari esker, artelan ugari bildu ahal izan ditu, Espainiako bildumarik garrantzitsuenetako bat lortzeraino.

Gaur egun kronologia zabaleko 6.000 artelan baino gehiago ditu, pinturak, eskulturak, irudiak, grabatuak eta dekorazio-arteak kontuan hartuta. Horien artean ditugu antzinaroko arteko maisulanak, arte klasikokoak, arte modernokoak, arte garaikidekoak eta euskal artekoak. Horrez gain, aldi baterako erakusketak ere egiten ditu.

4. Berreginen Museoa.

Bilbo Zaharra auzo zahar-zaharrean, Berreginen Museoa aurkituko dugu. Europako hoberenetako bat eta Bilboko zaharrenetako bat ere bada.

Eliza zahar batean biltzen ditu artelan klasikoak, hala nola Partenonen dagoen Panataneasen Frisoa, Migel Anjelen Esklaboak eta Moises lanak, baita Miloren Venus ere, besteak beste.

5. Bilboko Itsas Museoa.

Bilboko Itsas Museoa Euskalduna ontziola zaharrean dago. Kokaleku paregabea da, historiaz betea, eta halako museo baterako leku ezin hobea.

Garai batean itsasontzi handiak egiteko ontziola handia izan zen, eta ingurune hori osorik hartzen zuen. 1985ean, berriz, Espainia Europar Batasunean sartu zenean sektorean egin beharreko birmoldaketaren ondorioz, itxi egin behar izan zuten.

Gaur egun, historia atzean utzi eta Bilboko museo ospetsua dugu eskura, Bilboko Itsasadarrari eta inguruneari lotutako itsas ondarearen berri emateko asmoa duena.

Kanpoaldean hainbat ontzi ikus daitezke, hala nola Athletic Clubek garaipenak irabazteko erabiltzen duen Gabarra ospetsua, bai eta itsas burdinoletako elementuak eta Carola garabi ezaguna ere.

6. Euskal Arkeologia, Etnografia eta Kondaira Museoa.

Eta azkenik, Zazpi Kaleetan dagoen Arkeologia Museoa dugu.

Bizkaiko arkeologia-alorreko ikerketen erreferentziako gunea eta beraien berri zabaltzeko bidea da. Izan ere, lurraldeko historiari buruzko ezagutza zabaltzeko, arkeologiako ikaskuntzak sustatzeko eta arkeologia-materialen gordailua, kontserbazioa eta zaharberritzea bermatzeko jarduera ugari egiten ditu.

Erakusketa iraunkorrak 100.000 urte atzera eramaten gaitu, gizakiak lurralde honetan sarrera egin zuenetik hasi eta garai historikoetaraino.

San Mames VIP Area: Futbola eta gehiago

Harpidetu newsletterrean

Jaso edukiak zure emailean

Irakurri dut eta onartzen dut datuak babesteko politika.