Bizkaiko Bilbo hirian dago San Mames estadioa, eta han jokatzen ditu etxeko partidak Athletic Club taldeak, zeinak filosofia berezia eta 120 urtetik gorako historia baititu.
Erreferentzia da Athletic nazioartean, bai egungo instalazioengatik, bai bere estadio mitikoaren historiagatik. 2013an eraiki zuten estadio berria, «katedrala» ezizenaz ezaguna mundu osoan.
Guztira 53.331 ikusle hartzen ditu San Mamesek, eta UEFAren Eliteko Kategoriari dagozkion estandar zorrotzenei jarraikiz eraiki zuten. Munduko kirol-eraikin onenaren saria eman zioten 2015ean, World Architecture Festival jaialdian; 2017an, berriz, Venue of the Year saria, World Football Summit topaketan.
Ezagutu gehiagoEstadioaren erdiko eraztuna da San Mameseko eremurik esanguratsuenetako bat: diseinua, historia eta tradizioa biltzen ditu, estilo modernoa eta funtzionala lagun dutela. Partidak ezin erosoago ikusteko eta ekitaldi ahaztezin batez gozatzeko zenbait gune ditu erdiko eraztunak, San Mames BAT zigilua antolatzaile dela.
Ezagutu gehiago
1898 – 1913
XX. mendearen hasieran, Athleticek ez zuen jokatzen futbol-eremu konbentzionaletan, zelaietan baizik. Leioako Lamiako izan zuen lehenbiziko «berariazko» futbol-zelaia; hurrengoa, berriz, Getxoko Jolaseta. Baina bere zelai propioa nahi zuen Athleticek (Bilbon bertan, ahal zela), hiritik nahiko urruti baitzeuden Lamiako eta Jolaseta. San Mames babes-etxearen ondoko orube bat alokatu zenean hasi zen nahi hura hezurmamitzen.
Lamiako eta Jolaseta, lehenbiziko zelaiak
Ezagutu gehiago
San Mamesen sorrera: batzar nagusia eta lehenbiziko harria.
Manuel Smithek 1913an eraikitako San Mamesen deskribapena
1913 – 2013
Ehun urte bete zituen zelaiak, Pedro Novia Salcedoren oinordekoei hasieran hamar urterako bakarrik alokatu bazitzaien ere. Zazpi mila ikuslerentzako lekua zuen lehenbiziko zelaiak; zenbait handitze- eta berritze-lan egin ziren gerora: nagusia, arkuarena, 1952an; azkena, berriz, 82ko Munduko Koparakoa. Azken berrikuntza hari esker, 45.000 ikusle hartzen zituen estadioak. 2013an, 100 urte eta 3.695 partida igaroak zirela, San Mames berriari eman zion lekukoa San Mames zaharrak, katedralak.
2013 – Gaur
Lehengo orube berean eraiki zen estadio berriaren azalera gehiena. Ospe handiko futbol-zelaien artean ezinbesteko erreferentzia izaten jarraitzen du, eta eutsi egiten dio herentzian jasotako «katedrala» izengoitiaren espirituari. Arkitektura (modernoa, berritzailea, ikusgarria) eta kokapena (klasikoa) direla medio, benetako futbol-giroa arnasten dute bertaratzen diren 53.000 ikusleek. Betiko funtsari eusten dio katedralak, garai berrietara ongi aski egokituta.
1898 – 1913
XX. mendearen hasieran, Athleticek ez zuen jokatzen futbol-eremu konbentzionaletan, zelaietan baizik. Leioako Lamiako izan zuen lehenbiziko «berariazko» futbol-zelaia; hurrengoa, berriz, Getxoko Jolaseta. Baina bere zelai propioa nahi zuen Athleticek (Bilbon bertan, ahal zela), hiritik nahiko urruti baitzeuden Lamiako eta Jolaseta. San Mames babes-etxearen ondoko orube bat alokatu zenean hasi zen nahi hura hezurmamitzen.
Lamiako eta Jolaseta, lehenbiziko zelaiak
Ezagutu gehiago
San Mamesen sorrera: batzar nagusia eta lehenbiziko harria.
Ezagutu gehiago
Manuel Smithek 1913an eraikitako San Mamesen deskribapena
Ezagutu gehiago1913 – 2013
Ehun urte bete zituen zelaiak, Pedro Novia Salcedoren oinordekoei hasieran hamar urterako bakarrik alokatu bazitzaien ere. Zazpi mila ikuslerentzako lekua zuen lehenbiziko zelaiak; zenbait handitze- eta berritze-lan egin ziren gerora: nagusia, arkuarena, 1952an; azkena, berriz, 82ko Munduko Koparakoa. Azken berrikuntza hari esker, 45.000 ikusle hartzen zituen estadioak. 2013an, 100 urte eta 3.695 partida igaroak zirela, San Mames berriari eman zion lekukoa San Mames zaharrak, katedralak.
San Mamesen erosketa eta arkua
Ezagutu gehiago
Futbolaren katedrala
Ezagutu gehiago
Agurra
Ezagutu gehiago2013 – Gaur
Lehengo orube berean eraiki zen estadio berriaren azalera gehiena. Ospe handiko futbol-zelaien artean ezinbesteko erreferentzia izaten jarraitzen du, eta eutsi egiten dio herentzian jasotako «katedrala» izengoitiaren espirituari. Arkitektura (modernoa, berritzailea, ikusgarria) eta kokapena (klasikoa) direla medio, benetako futbol-giroa arnasten dute bertaratzen diren 53.000 ikusleek. Betiko funtsari eusten dio katedralak, garai berrietara ongi aski egokituta.
